Дзæуджыхъæуы администрацийы сæргълæууæг Фæрниаты Тамерлан сбæрæг кодта хæстон намысы цыртдзæвæнты уа

Дзæуджыхъæуы администрацийы сæргълæууæг Фæрниаты Тамерлан сбæрæг кодта хæстон намысы цыртдзæвæнты уавæр. Йемæ ма уыдысты Дзæуджыхъæуы префектурæты æмæ администрацийы управленийы хайæдты разамонджытæ. Се ’хсæн администрацийы сæргълæууæджы фыццаг хæдивæг Коцойты Алан, сæргълæууæджы хæдивæг Бæройты Хасан. Фыццаджыдæр федтой Намысы Аллейы санитарон æмæ техникон уавæр. Ныртæккæ дзы Советон Цæдисы дыууæ хатты хъæбатыр Плиты Иссæйы цыртыл аразынц барельеф-къул. Бронзæй конд конструкцийыл фенæн уыдзæн Иссæйы хъуыстгонд бæхджын æфсад. Проекты автор - Цæгат Ирыстоны адæмон нывгæнæг Ходы Николай. Цæмæй хæстон намысы цыртдзæвæнтæм цæстдард æрцæуа, уый тыххæй сарæзтой сæрмагонд пълан. Куыстытæ баххæст кæнынæн ис æмгъуыд æмæ дзуапдæттæг кусджытæ - фæнысан кодта Фæрниаты Тамерлан. Рейды хатдзæгтæм гæсгæ Уæлахизы фæзуатмæ хъæуы базилын. Советон танк Т34 -ы монументæн йæ къултæ бындуронæй сног кæндзысты. Саив кæндзысты бронзæйæ конд дыууæ барельефы. Реставрацион куыстытæм та бавналдзысты специалисттæ. Куыстытæ хъуамæ фæуой 1-æм маймæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv