Æгъдауыл аудынц

Таджикаг кинорежиссер Тоджидин Гадомамадовы киноныв «Шогун» равдыстой Дзæуджыхъæуы. Ист у пысылмæттæ ног азы бæрæгбон «Наврузы» тыххæй. Ома, Таджикистаны памирæгтæ рагон фæткæвæрдмæ гæсгæ сæ ног аз куыд бæрæг кæнынц ууыл. Бæрæгбоны æгъдауыл цæуы мин азæй фылдæр. Тоджидин Гадомамадовы аивад чи уарзы уыдонæн уыд фадат режиссеримæ аныхас кæнын дæр. уый йæхæдæг дæр ссыд Дзæуджыхъæумæ.  Киноныв фенынмæ æрбацыдысты Узбекистаны, Таджикистаны, Азербайджаны æмæ Ираны диаспорæты минæвæрттæ. Мадзал аразджытæ æрбацæуæг адæмы размæ рацыдысты национ уæлæдарæсы. Бацæттæ кодтой хæринæгтæ дæр. Цæгат Ирыстоны Навруз бæрæг кæны 12 мин адæймагæй фылдæр. Адæмон хъæзтытæ бæрæгбоны фæдыл Дзæуджыхъæуы арæзт æрцæудзысты хуыцаубоны дæр. Узбекаг национ-культурон æхсæнад «Умид»-ы разамонæг Суяркул Ураков: «Цæгат Ирыстоны 100 адæмыхаттæй фылдæр цæры кæрæдзийы æмбаргæйæ æмæ хæларæй. Мах Навруз бæрæг кæнæм æрвылаз нæхи хсæн.  Ацы аз нæ бæрæгбон чысыл рапарахат кодтам. Не мбæстæгтимæ фембæлдыстæм.  Нæ бæрæгбоныл цин кæнæм иумæ. Сывæллæттæн сарæзтам хъæзтытæ. Алыхуызон адджинæгтæй сæ барæвдыдтам». _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv