Рабæрæг кодтой наркотиктæ парахат кæнынмæ чи хъавыд, ахæм адæймаджы

Дзæуджыхъæуы пъæлицæйæгтæ рабæрæг кодтой наркотиктæ парахат кæнынмæ чи хъавыд, ахæм адæймаджы. Барадхъахъхъæнджытæ сæ цæст æрдардтой Дзæуджыхъæуы 1-æм Автовокзалы 37-аздзыд нæлгоймагмæ. Цæгат Ирыстонмæ сæмбæлд Краснодарæй. Пъæлицæйæгтæ нæлгоймаджы баурæдтой. Пъæлицæйы хайады йын сарæзтой æрфарст. Басгæрсты рæстæг закъонхалæгмæ ссардтой 67 гæххæтты тыхт буаргъæды. Экспертты хатдзæгмæ гæсгæ, уый уыд героин. Закъонхалæджы йæхæдæг басат Цæгат Ирыстонмæ наркотиктæ парахат кæнынмæ кæй ссыд. Бантыст ын горæты уынгты героинимæ 2 æмбæхсæн бынаты дæр саразын. Барадхъахъхъæнджытæ уыцы æмбæхсæн бынæттæ ссардтой æмæ сæ фехалдтой. Нæлгоймаджы миты фæдыл байгом кодтой уголовон хъуыддаг. Гæнæн ис, æмæ ныр ахæстоны фæбадыны тæрхон ыл скæной. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv