Дзæуджыхъæуы сараздзысты гом республикон турнир

Дзæуджыхъæуы 16-æм июны сараздзысты гом республикон турнир «Кожаный мяч-2019»-ы финал. Футболы спортивон скъола «Юность»-мæ æрбамбырд уыдзысты Цæгат Ирыстоны районтæй хуыздæр командæтæ. Архайджытæ сæ тыхтæ æвзардзысты æртæ къорды сæ кармæ гæсгæ. Кæстæр къорды уыдзысты 10-11 аздзыдтæ, астæуккаджы - 12-13-аздзыд спортсментæ, хистæртыл та хъуамæ цæуа 14-15 азы. Уæлахиздзауты схорзæхджын кæндзысты аразджыты, ома республикæйы физкультурæ æмæ спорты министрады кубоктæ, майдантæ æмæ дипломтæй. Цы командæ рамбула, уымæн фадат уыдзæн æппæтуæрæсеЙон ерыстæ «Кожаный мяч»-ы бацархайынæн. Уæ зæрдыл уын æрлæууын кæндзыстæм, 2018-æм азы республикон къæпхæны ерысты рамбылдтой Алагиры футболон клуб «Барс», футболон клубтæ «Беслан» æмæ «Дигора». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv