Финансон ахуырдзинад

Уæ бартæ хæлд куы æрцæуой, уæд цы кæнгæ у, финансон фарстатæ æмæ фæдзæхстады куысты сусæгдзинæдтæ хуыздæр базонын. Уæрæсейы Банчы регионалон хайады уыд гом дуæртты бон. Йæ кусджытæ дзуапп лæвæрдтой æрбацæуджыты фæрстытæн. Се `ппæтæн бацамыдтой, гæххæттын мæнг æхцатæ куыд раиртасæн ис, уый. Акцийы сæйраг хæс та у адæмы цæстфæлдахджытæй бахъахъхъæнын. Суанг ма сывæллæттæн хъазт "Азбука денег", зæгъгæ, дæр бацæттæ кодтой. Кæстæртæ йæм цымыдисæй хъуыстой. Фæстæдæр сын фадат фæцис инкассацион хæдтулгæйы цур къам сисынæн, сæхи алыхуызон хъæзтытæй аирхæфсын. Мадзал сарæзтой Уæрæсейы æппæт регионты. Цæгат Ирыстоны уыд æртыккаг хатт. Дзиуаты Иринæ, РЦИ-Аланийы национ банчы сæргълæууæг: «Гом дуæртты боны архайынц бархионтæ, æхсæнадон архайджытæ, финансон æгъдау чи æмбарын кæны, ахæм специалисттæ. Уæрæсейы банк æмгуыст кæны бархионты организацитимæ. Акцитæ уыдысты Уæрæсейы филиалты, ныр та махмæ. Кæд бархионтæ æрыгон сты, уæддæр сæм хъуамæ профессионалон цæттæдзинад уа. Фæсивæдæн саразæм сæрмагонд ахуыртæ. Радтæм сын методикон æрмæджытæ æмæ чингуытæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv