Ивддзинæдтæ бюджетмæ

Республикæйы сæйраг финансон документмæ бахастой ивддзинæдтæ. Цæгат Ирыстоны парламенты æнæрадон æмбырды депутаттæ дыккаг æркасты сфидар кодтой республикæйы 2018 æмæ 2019-2020 азты бюджеттæм ивддзинæдтæ бахæссын. Гæххæтт бацæттæ кодта республикæйы хицауад. Ивддзинæдтæ баст сты бюджеты фæрæзтæ уагдæтты мидæг æмæ се `хсæн ногæй адих кæнын кæй бахъуыд, уыимæ. Республикæйы финансты министры фыццаг хæдивæг Дзæгъойты Аланы ныхæстæм гæсгæ, ивддзинæдтæ бюджеты сæйраг бæрцмæ нæ хауынц. Ныхас цæуы, федералон программæты архайынæн республикæ æнæмæнг цы æхца хъуамæ бахæсса, уый сбæрæг кæныныл. Закъоны проектмæ гæсгæ, 2019 азмæ цы 29 милуан сомы хаст уыдысты, уыдонæй ныр федералон программæтæм гæсгæ базилдзысты цалдæр социалон бæстыхаймæ. 10 милуаны та радих кæндзысты архитектурæ æмæ арæзтады министрадæн. 9 милуан сомы хардзгонд æрцæудзæн Дзæуджыхъæуы 18-æм микрорайоны фæндаг саразыныл. 8 æмæ æртæ дæсæм хай милуан сомæй та - Мичуриныхъæуы 120 бынатимæ рæвдауæндон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv