Адæмы истори зонынæн

Экспертон къамисы уæнгтæ абон хатдзæгтæ скодтой национ тематикæимæ арæзт равдыст-конкурсæн. Равдысты экспонаттæн аргъ кодтой 2 номинацимæ гæсгæ: ирон æгъдæуттæ æвдисæг æмæ нарты кадджыты сюжеттыл конд куыстытæ. Конд та уыдысты нывгæнынады æмæ хъæдæй арæзт скульптурæты хуызы. Сæйраг домæн уыд национ тематикæ дзы ирдæй равдисын. Эксперттæ, республикæйы хъуыстгонд нывгæнджытæ, саргъ кодтой 90 куыстæн. Куыд бафиппайдтой, афтæмæй конкурс-равдысты архайын бирæты бафæндыд. Йæ аразджытæ та сæ размæ æвæрдтой хæс ирон адæмы цардыуаг равдисын, æрбацæуджыты национ фольклоримæ базонгæ кæнын. Равзæрстой дзы 6 хуыздæр куысты. Алы номинацийы дæр фæйнæ 3. Сæ авторты сын схорзæхджын кодтой лæвæрттæй, радтой сын æхцайы премитæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv