Республикæйы сæргълæууæг амыдта терроризмы ныхмæ къамисы æмæ оперативон штабы иумæйаг æмбырд

Республикæйы сæргълæууæг амыдта терроризмы ныхмæ къамисы æмæ оперативон штабы иумæйаг æмбырд. Дзырдтой терроризмы ныхмæ уæлæмхасæн мадзæлттæ ахуыргæнæндæттæ, артаг-энергетикон комплекс æмæ промышленнон объектты фæхуыздæр кæныны, стæй республикæйы ахуырдзаутимæ профилактикон куыст кæныны тыххæй. Ахуыргæнæндæтты æдасдзинадмæ уæлдай цæстдард здæхт кæй цæуы, уый тыххæй фехъусын кодта бæрнон министр Алыбегты Эллæ. Йæ ныхæстæм гæсгæ, уыцы куысты уагхæлдтыты фылдæр хай аиуварс кодтой. Фæлæ ма республикæйы уæддæр ис ахæм ахуыргæнæндæттæ, видеоцæстдард æмæ фæдисы сигнализацийы системæтæ кæм нæй, стæй инженерон-техникон амаддзæгтæ цух кæцытæ сты. Сергей Меняйло бабар кодта, ног ахуырадон азы райдианмæ æппæт уыцы терроризмы ныхмæ мадзæлттæ кæронмæ сæххæст кæнын. Промышленность æмæ инвестициты министрадæн республикæйы сæргълæууæг бахæс кодта 20-æм апрельмæ Цæгат Ирыстоны промышленнон куыстуæтты хыгъд саразын æмæ сæ басгарын, паспортизаци сын скæнын. Республикон артаг-энергетикон комплексы бæстыхæйтты куыст дæр терроризмы ныхмæ мадзæлттæ æххæст кæнгæйæ саразын хъæудзæн.