Цæгат Ирыстоны фыссæг, поэт Цæрукъаты Алыксандры рухс ном æрымысыдысты

Цæгат Ирыстоны фыссæг, поэт Цæрукъаты Алыксандры рухс ном æрымысыдысты республикæйы фæсивæдон чиныгдоны. Абон ыл хъуамæ сæххæст уыдаид 101 азы. Йæ сфæлдыстады фæндаг ын æрхъуыды кодтой нæ республикæйы фысджытæ, йемæ зонгæ чи уыд, уыцы адæм. Мадзалы ма уыдысты Цæрукъаты Алыксандры хиуæттæ æмæ къабæзтæ. Бакастысты йын йæ кæцыдæр уацмыстæ. Йæ номæн ын кад скодтой нæ республикæйы Хетæгкаты Къостайы номыл 13-æм скъолайы ахуырдзаутæ æмæ Цæгат Ирыстоны паддзахадон университеты студенттæ дæр. Мадзал бацæттæ кодтой нæ республикæйы фысджыты цæдис æмæ Дзæуджыхъæуы Гæздæнты Гайтойы фæсивæдон чиныгдоны кусджытæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv