Уæрæсейы кусын райдыдта коммуналон хауæццæгтæ бакусыны ног системæ

1-æм январы Уæрæсейы райдыдта кусын коммуналон хауæццæгтæ бакусыны ног системæ. Хъуамæ регионты сæ раласынæн сфидар кæной уыцы-иу тарифтæ. Кæд æмæ фарон хауæццæгтæ ласыны хæс хаудис цæрæнуатон лæггæдтæм æмæ йæ йын йæ фиддонтæ разамынддæттæг компанийы нымадтой, уæд сæ ацы аз та бахæсдзысты коммуналонты номхыгъдмæ. Фидын æй хъæудзæн регионалон операторæн. Хицауад сæ зæрдæ дарынц, уыдон хауæуццæгтæ бакусынын фарстамæ бæрнонæй кæй кæсдзысты. Уый фæкъаддæр кæндзæн æнæзакъон бырондæтты нымæц. Закъоны ивдзинæдтæ æрмæст бирæфатерон хæдзæрттæм нæ хауынц. Амынд дзы сты хицæн хæдзæрттæ дæр. Кæд раздæр уыдоны цæрджытæ хауæццæгтæ иуварс кæнынæн бадзырдтæ барвæндонæй фыстой, уæд ацы аз та уый сси æнæмæнг хъуыддаг. Уæ зæрдыл уын æрлæууын кæндзыстæм, фарон Цæгат Ирыстоны сбæрæг кодтой дыууæ регионалон операторы. Уымæй уæлдай ма, нæ республикæйы фæнд кæнынц ног бырондон саразын дæр. Хъуамæ дзуапп дæтта æппæт хъæугæ домæнтæн. Йæ сæйраг нысан уыдзæн уæлдæфмæ зианхæссæг хауæццæгтæ фæкъаддæр кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv