Адæмон æрмдæсныйæдты армукъайы Цæгат Ирыстон равдисдзæн скифты рагон кусæнгæрзтæ æмæ куклатæ

Адæмон æрмдæсныйæдты армукъайы Цæгат Ирыстон равдисдзæн скифты рагон кусæнгæрзтæ æмæ куклатæ. Равдыст адæмæн сæ бон фенын уыдзæн Мæскуыйы 11-æмæй 15-æм декабрмæ. Уый тыххæй хъусын кæны республикæйы промышленность æмæ транспорты министрады пресс-службæ. Æрмдæсныты конд сыгъзæрин дзауматæ æмæ хиконд хæцæнгарз равæрдзысты «Арион» æрмадзы дæснытæ. Скифаг-сæрмæтаг культурæ ’вдисæг хæцæнгарз конд у, археологтæ цы дзауматæ ссардтой, уыдонмæ гæсгæ. Æнæххæстбарджын бæрнон куыстуат «Асик» та аразы ирон кæлмæрзæнтæ æмæ национ куклатæ. Бæрнон куыстуат «Изольда» та зæрдæтæ барухс кæндзæн национ костюмтæй. Бæрæгбон иу кæны Уæрæсейы æрмдæсныты алы регионтæй. Армукъа цæудзæн 27-æм хатт. Фенæн дзы уыдзæн 1600 сфæлдыстадон къорды арæхстдзинад æмæ хицæн дæсныты куыстытæ. Армукъайы фæлгæты куыстуæттæ фæнд кæнынц æмгуыстады бадзырдтæ бафыссын дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv