Дзæуджыхъæуы бæрæг кæнынц æнæзакъон уæйгæнæн объекттæ

Дзæуджыхъæуы бæрæг кæнынц æнæзакъон уæйгæнæн объекттæ. Бынæттон администрацийы ацы фарстамæ æрвылбон се `ргом здахынц. Хæрз æрæджы административон æмæ техникон инспекци горæты Рахизфарсы районы рабæрæг кодта хибарæй æвæрд сæрмагонд терминалтæ. Инспекцийы фæстæ ист æрцыдысты. Рейды рæстæг районы рабæрæг кодтой æнæзакъонæй æвæрд 30 объекты. Се 'хсæн киосктæ, павильонтæ, терминалтæ æмæ къофигæнæн аппараттæ. Ныртæккæ объектты хицæуттæй бирæтæ уагхæлдыдтæ аиуварс кодтой. Бардзырдтæ ногæй, закъонмæ гæсгæ, бафыстой, иннæтæ та - сæ объекттæ айстой. Фæлæ, администрацийы куыд фæбæрæг кодтой, афтæмæй се 'ппæт закъоны домæнтæ не 'ххæст кæнынц. Къамис цы 30 фиппайнаджы снысан кодта рейды фæстæ, уыдонмæ гæсгæ объектты хицæутты бафхæрдзысты административон æгъдауæй, фæивар сæ кæндзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv