Грознайы форумы Сергей Меняйло архайдта цалдæр кусæг фембæлды
Нæ республикæйы стенд фыццаг бабæрæг кодта Уæрæсейы хицауады сæрдары хæдивæг Александр Новак. Цæгат Кавказы федералон зылды кураторæн Сергей Меняйло радзырдта хъæууон хæдзарад, промышленность æмæ туризмы сæйрагдæр проектты тыххæй, стæй йæ базонгæ кодта республикæйы инвестортæн цы уавæртæ арæзт цæуы, уыдонимæ. Сергей Меняйло куыд бафиппайдта, афтæмæй Цæгат Ирыстон цæттæ у регионы инфраструктурæйы райрæзты æмæ ног куысты бынæттæ саразыны фæдыл хъæппæристæм. Куыстуат "Газпром межрегионгаз"-ы сæйраг директор Сергей Густовимæ та ныхас цыд 2021-æй-2025-æм азты газ уадзын, стæй йын фидыны фарстатыл. Ам дæр æппæлинаг цаутæ ис. Цæгат Ирыстон уыцы бæрæггæнæнтæм гæсгæ бахауд нæ бæстæйы хуыздæр регионтæм. Цæрджытимæ бафыстой 3 мин бадзырдмæ хæстæг газæй ифтонджы фарста кæронмæ сæххæст кæныны фæдыл. Сæрмагонд програмæйы фæлгæты 2,5 мин бæстыхайы арæнтæм бауагътой хæтæлтæ. Уымæй уæлдай ма "Газпром межрегионгаз" цъæх артаг фæхæццæ кодта 50 ног социалон вазыгджын пайдагæнджытæм. Се 'хсæн - 28 скъола æмæ сывæллæтты рæвдауæндоны, 6 фелсырон-акушерон пункты, 4 егъау спортивон объекты, культурæйы хæдзæрттæ æмæ ветеринарон станцæтæ. Уæдæ "Сбер"-имæ та Цæгат Ирыстон бакусдзæн технологон проектты рæзтыл. Сергей Меняйлойы ныхæстæм гæсгæ, абон нымæцон сервистæ уæлдай тынгдæр хъæуынц социалон къабаз, транспорт, æнæниздзинад хъахъхъæнынад, бизнес æмæ стыр инфраструктурон проектты æнтыстджын куыстæн. Банкимæ республикæ рагæй æмгуыст кæны. Сæ IT-кусджыты къорд та у нæ бæстæйы æппæты тыхджындæртæй иу. Технологитæ хъуамæ адæмы цардыл хуыздæры 'рдæм сахадой. Мегафон та дарддæр дæр кусдзæн туризмы рæзтыл. Сергей Меняйло æрдзырдта компанийы минæвæрттимæ республикæйы дæрддзæф хъæутæ æмæ трассæтыл бастдзинад æмæ интернеты фарстатыл.
Нæ республикæйы стенд фыццаг бабæрæг кодта Уæрæсейы хицауады сæрдары хæдивæг Александр Новак. Цæгат Кавказы федералон зылды кураторæн Сергей Меняйло радзырдта хъæууон хæдзарад, промышленность æмæ туризмы сæйрагдæр проектты тыххæй, стæй йæ базонгæ кодта республикæйы инвестортæн цы уавæртæ арæзт цæуы, уыдонимæ. Сергей Меняйло куыд бафиппайдта, афтæмæй Цæгат Ирыстон цæттæ у регионы инфраструктурæйы райрæзты æмæ ног куысты бынæттæ саразыны фæдыл хъæппæристæм. Куыстуат "Газпром межрегионгаз"-ы сæйраг директор Сергей Густовимæ та ныхас цыд 2021-æй-2025-æм азты газ уадзын, стæй йын фидыны фарстатыл. Ам дæр æппæлинаг цаутæ ис. Цæгат Ирыстон уыцы бæрæггæнæнтæм гæсгæ бахауд нæ бæстæйы хуыздæр регионтæм. Цæрджытимæ бафыстой 3 мин бадзырдмæ хæстæг газæй ифтонджы фарста кæронмæ сæххæст кæныны фæдыл. Сæрмагонд програмæйы фæлгæты 2,5 мин бæстыхайы арæнтæм бауагътой хæтæлтæ. Уымæй уæлдай ма "Газпром межрегионгаз" цъæх артаг фæхæццæ кодта 50 ног социалон вазыгджын пайдагæнджытæм. Се 'хсæн - 28 скъола æмæ сывæллæтты рæвдауæндоны, 6 фелсырон-акушерон пункты, 4 егъау спортивон объекты, культурæйы хæдзæрттæ æмæ ветеринарон станцæтæ. Уæдæ "Сбер"-имæ та Цæгат Ирыстон бакусдзæн технологон проектты рæзтыл. Сергей Меняйлойы ныхæстæм гæсгæ, абон нымæцон сервистæ уæлдай тынгдæр хъæуынц социалон къабаз, транспорт, æнæниздзинад хъахъхъæнынад, бизнес æмæ стыр инфраструктурон проектты æнтыстджын куыстæн. Банкимæ республикæ рагæй æмгуыст кæны. Сæ IT-кусджыты къорд та у нæ бæстæйы æппæты тыхджындæртæй иу. Технологитæ хъуамæ адæмы цардыл хуыздæры 'рдæм сахадой. Мегафон та дарддæр дæр кусдзæн туризмы рæзтыл. Сергей Меняйло æрдзырдта компанийы минæвæрттимæ республикæйы дæрддзæф хъæутæ æмæ трассæтыл бастдзинад æмæ интернеты фарстатыл.