Мацутæйы 2020-æм азы сараздзысты ног фелшырон-акушерон пункт

Медицицнон æххуыс райсыны фадæттæ фæхуыздæр уыдзысты Мацутæйы дæр. Тагъд дзы аразын райдайдзысты ног фелшырон-акушерон пункт. Раздæр Дыгургомы ахæм медицицнон уагдон бæргæ куыста, фæлæ заууатмæ æрцыд æмæ дзы æххуыс райсынмæ æмбæлгæ фадæттæ нал ис. Ног бæстыхай саразын æмæ адæмæн удæнцой ’рхæссын фæнд кæнынц 2020-æм азы.  Медицинон кусджытæ цы ныфсæй кæсынц фидæнмæ, уый сбæрæг кодта нæ уацхæссæг Хуасдзауты Алинæ. Бæлвырддæр йæхæдæг радзурдзæн. Мацутæйы ФАП-ы медицинон æххуыс кæнынц æнæхъæн комы хъæуты цæрджытæн.  Зæронд бæстыхайы адæмæн хъæугæ æмвæзадыл æххуыс бакæныны фадат нæ уыд. Пункты медицинон кусджытæн дæр сæ куысты гæнæнтæ æххæст уæрæх нæ уыдысты. Хæстæгдæр рæстæг ФАП-ы бæстыхай акалдзысты. Йæ бынаты йын сараздзысты ног амбулатори. Дзуапп дæтдзæн æппæт нырыккон домæнтæн дæр. Ныр уал пункты медицинон кусджытæ рæстæгмæ æрбынат кодтой Мæцутæйы почтæйы. Амбулаторийы дохтыр æмæ медицинон хо, стæй пункты фелшыртæ.  Дæрддзæф хæххон хъæуты цæрджытæн сараздзысты ног фелшырон-акушерон пункт, цæмæй нырыккон домæнтæн дзуапп чи дæтты, ахæм медицинон лæггæдтæ сæ бон кæнын уа адæмæн. Ног ФАП сараздзысты Уæрæсейы хицауады фæстауæрцгæнæн фонды фæрæзтæй. Æдæппæтæй арæзтадон куыстытыл бахардз кæндзысты 17 милуан сомы. Пъланмæ гæсгæ, 2020 азы Мацутæйы фæзындзæн ног фелшырон-акушерон пункт. Ифтонггонд уыдзæнис æппæт хъæугæ кусæнгæрзтæй дæр. Медицинон æххуыс бакæнæн дзы уыдзæн 1100 адæймагæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv