Практикон ахуыртæ айкидойæ

Практикон ахуыртæ айкидойæ ацыдысты Дзæуджыхъæуы. Архайдтой дзы 200 спортсменæй фылдæр нæ республикæйæ, Стъараполæй æмæ Краснодарæй. Ахуыртæ амыдта Петербурджы айкидойы федерацийы сæргълæууæг Валерий Скрылев. Фæсивæдæн равдыста йæ техникон цæттæдзинад, хи хъахъхъæнын куыд хъæуы, стæй ныхмæлæууæджы куыд абырсæн ис, уый. Дзæуджыхъæуы семинар ацыд 15-æм хатт. Æрвылаз æй саразынц Цæгат Ирыстоны айкидойы федерацийы бындурæвæрæг Павел Кишенецы номыл. Ацы аз та уæлдай цымыдисаг уыдысты. Ахуыртæй уæлдай ма дзы скодтой фæлварæн ерыстæ сау рон райсыны тыххæй. Сæ хъару равдыстой 13 цæгатирыстойнаджы æмæ, куыд вæййы, иууылдæр фæуæлахиз сты. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv