Цæгат Ирыстоны медицинон академийы хирургийы актуалон фарстаты фæдыл уыд семинар

"Хирургийы ахсджиаг фарстатæ". Ацы темæйыл семинар ацыд Цæгат Ирыстоны медицинон академийы. Ахуырты архайджытæ - дохтыртæ алы медицинон куыстуæттæй. Лекци амыдта медицинон наукæты доктор, Уæрæсейы биотехнологон университеты профессор Александр Земляной. Уый радзырдта сæкæрнизæй рынчынтæн æмбæлгæ хирургон æххуыс бакæныныл. Уый фæстæ мадзалы архайджытæн фадат уыд лектормæ фæрстытæ раттын. Семинар саразыныл бакуыстой Цæгат Ирыстоны медицинон академи, стæй æнæниздзинад хъахъхъæнынады министрад Хирургты æппæтæуæрæсеон æхсæнады регионалон хайады хъæппæрисæй.