Сергей Меняйло Мелитополы фембæлд Запорожьейы облæсты губернаторы хæстæ æххæстгæнæг Евгений Балицкиимæ. Цæгат Ирыстон æххуыс кæндзæн Уæрæсейы ног регионæн. Уыимæ ма йæ цæст дардзæн Черниговы районмæ. Ныридæгæн бафыстой бадзырд дæр. Сергей Меняйло куыд загъта, афтæмæй республикæйы аразджытæ бакусдзысты сметæтыл социалон нысаниуæгимæ объектты цалцæгæн. Запарожьейы облæстмæ  араст уыдзысты æмæ бынаты æппынæдзух кусдзысты дохтырты къорд. Хъæутæм дон ласынæн ма республикæ арвитдзæн сæрмагонд хæдтулгæ дæр. Цæгат Ирыстоны æххуысæй ма цалцæггонд æрцæудзысты скъолатæй иуы сæр æмæ скъолаты хæрæндæттæ. Запорожьейы сабитæн фадат уыдзæн республикæйы лагерьты баулæфынæн. Районы ма сцалцæг кæндзысты аргъуан дæр. Уый у федералон хъæппæрис: алы уæрæсейаг регион дæр хъуамæ йæхимæ райса хæс Запорожье æмæ Херсоны облæстты, Луганскы æмæ Донецкы адæмон республикæты районтæ, горæттæ æмæ хъæутæн æххуыс кæнын. Сергей Меняйло куыд загъта, афтæмæй ног субъектты куыд тагъддæр хъæуы царды ног уддзæф бауадзын æппæт æмбæлгæ уавæртæ саразгæйæ.