Цæгат Ирыстоны кадджын уавæры схорзæхджын кодтой конкурстæ «Иры фидæн» ы уæлахиздзауты

Цæгат Ирыстоны кадджын уавæры схорзæхджын кодтой конкурстæ «Иры фидæн»-ы æмæ «Аив дзырды дӕсны»-йы уæлахиздзауты. Хуыздæр скъоладзаутæ æмæ рæвдауæндæтты хъомылгæнинæгтӕ, стæй техникумты æмæ колледжты студенттæ кады гæххæттытæ райстой ахуырад æмæ наукæйы министр Алыбегты Эллæйы къухӕй. Куыд загъта, афтæмæ фæсивæд сæ разамонджыты æххуысæй æнтыстджынæй ахуыр кæнынц ирон культурæ æмæ æгъдæуттæ. Сæ курдиат лæппутæ æмæ чызджытæ æвдыстой алыхуызон номинациты. Конкурс «Иры фидæн»-ы хатдзæгтæм гæсгæ. Ахуырад æмæ наукæйы министрады кады гæххæттытæ æмæ лæвæрттæ райстой 19 уæлахиздзауы. Уыдонæй дыууæ райстой Гран-при. Конкурс «Аив дзырды дӕсны»-йы та уыд 36 уæлахиздзауы. Кады гæххæттытимæ ма сын радтой æхцайы премитæ. Дыууæ ерысы дæр арæзт уыдысты Хетæгкаты Къостайы райгуырды 162 азы бонмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv