«Россети Цæгат Кавказ» Дзæуджыхъæуы электрон тыхдæттæн комплекс йæхи бакæндзæн

«Россети Цæгат Кавказ» 2020 азы райсдзæн Дзæуджыхъæу, Махачкала æмæ Налцыччы хызæгтæ. Йæ сæргълæууæг Виталий Ивановы ныхæстæм гæсгæ, Махачкаламæ хъуамæ бахæссой 3 млрд сомы бæрц. Куыд бамбарын кодта, афтæмæй Махачкалайы ацы фарста ахсджиаг у. Уымæй размæ йын йæ уавæрмæ æмбæлгæ цæстдард нæ уыд. Уæдæ дзы рухс дæр арæх ахуыссы. 3 млрд сомæй дзы къадддæр фæрæзтæ нæ бахъæудзæн. Бардзырд хъуамæ бафыссой ацы аз, июны. Йæ аргъ -1 млрд сомы бæрц. Уымæй уæлдай, æмбæлгæ цæстдард уыдзæн Налцыкмæ дæр. Хъуамæ уым арæзт æрцæуа бастдзинад хызты комплексы тыххæй. Афтæмæй, Кæсæг-Балхъары уыдзæн «Россети Цæгат Кавказ» -ы разамынд. Уыимæ ма, 2020-æм азы хъуамæ баиу кæной Дзæуджыхъæуы хызæгты куыстуæттæ дæр. Уый тыххæй баныхас кодтой нæ республикæйы сæргълæууæг Битарты Вячеславимæ. Зæгъын хъæуы уый æмæ «Россети Цæгат Кавказ» ныртæккæ электрон тыхæй ифтонг кæны Цæгат Кавказы æппæт регионтæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv