Хъæугæ зонындзинæдтæ

Цæгат Ирыстоны кусынц финансон лæггæдтæ райсыны фæтк фæхуыздæр кæныныл. Уый тыххæй ныхас кодтой республикæйы сæргълæууæг Битарты Вячеслав æмæ Уæрæсейы Банчы Хуссайраг управленийы хицау Евгений Эберенц. Æмбырды ма архайдтой республикæйы хицауады сæрдар Тускъаты Таймураз æмæ Национ Банчы Цæгатирыстойнаг хайады разамонæг Дзиуаты Иринæ. Республикæйы хицауад æмæ Национ банчы ахадгæ æмгуыстад Битарты Вячеслав банымадта ахсджиагыл. Йæ ныхæстæм гæсгæ, лæггæдты хæрзхъæддзинад фæхуыздæргæнæн ис æрмæстдæр иумæйаг куыстæй. Евгений Эберенцы ныхæстæм гæсгæ, Уæрæсейы Банчы сæйраг хæс у финансон æнкъуыстытæ ма бауадзын. Республикæйы æнтыстджынæй æххæст кæнынц финансон лæггæдтимæ баст проекттæ. Уыцы хъуыддагмæ уæлдай æргом здæхт цæуы. Цæгат Ирыстоны дæрддзæф хъæуты дæр финансон лæггæдтæй хъуамæ пайда кæной. Национ Банчы Цæгатирыстойнаг хайады разамонæг Дзиуаты Иринæ радзырдта республикæйы наукæ æмæ ахуырады министрадимæ æмгуыст кæй кæнынц. Бæлвырдæй, Цæгат Ирыстоны уæлдæр ахуыргæнæндæттæ æмæ училищæтимæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv