Инвестицитыл ныхас

Цæгат Ирыстоны сарæзтой 2030-æм азмæ республикæйы социалон-экономикон рæзты проект. Уый абон фехъусын кодта регионы рæзты агентады разамонæг Павел Игнатьев республикæйы сæргълæууæг Битарты Вячеславимæ æмбырды рæстæг. Инвестицион проекттæй равзæрстой, хуыздæр æмæ ахсджиагдæр чи у, уыдон. Сты 38, сæ сæххæст кæнынæн та бахъæудзæн 23 млн сомы. Кæцыдæртæ дзы пайда хæссын райдайдзысты 2019 азы. Зæгъæм, базарадон центр «Леруа Мерлен» саразгæйæ. Иннæ ахадгæ проект та у кæсаджы куыстгæнæг комплексы арæзтад.  Ныридæгæн дæр ын радих кодтой 2 зæххы хайы. Комплекс саразынæн хъæуы 1 миллиард 200 милуан сомы. «Фæлæ ис къулымпыдзинæдтæ» - зæгъы Павел Игнатьев. Йæ ныхæстæм гæсгæ инвестортæ æмæ амалхъом адæймæгтæ арæх æмбæлынц административон зындзинæдтимæ. Сæ бон æмбæлгæ гæххæттытæ райсын нæ вæййы, бирæ цæлхдуртæ ис зæххытæ радих кæныны хъуыддаджы дæр. Уый аххосæй республикæ, куыд йæ бон у, афтæ размæ нæ цæуы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv