#НЫФСЫРИХИТÆ

Æвæццæгæн, æмæ иу ахæм Уæрæсейаг дæр нал баззад, райсомы бонмæ чи не `нхъæлмæ кæсы. Нæ иугонд командæ футболæй фембæлдзæн Хорватийы футболисттимæ. Кæй бауырныдтаид, нæ футболисттæ дунейы чемпионаты иу цыппæрæм хаймæ рацæудзысты, уый? Фæлæ нæ командæ нæ бæстæйы цæрджытæн стыр бæрæгбон сарæзта! Уæлдай æхсызгон ацы хабар уыд ирон адæмæн. Уымæн æмæ йæ сæйраг тренер у не `мзæххон, Алагирæй рацæуæг Черчесты Станислав. Куыд цин кæнынц Алагирæгтæ æмæ куыд æнхъæлмæ кæсынц райсомы хъазтмæ. Æвæццæгæн, ацы хабармæ иууылдæр бирæ æнхъæлмæ кастысты. Уæрæсейы иугонд командæ финалы цыппæрæм хайы. Фыццаг хатт 32 азмæ. Уый та æрмæстдæр йæ фæрцы – Уæрæсейы командæйы сæйраг тренер Черчесты Станиславы. Не `мзæххон, Алагирæй рацæуæг. Уым Станислав рагæй фæхъуыстгонд ис. Æцæг стъалыйы хуызæн. Ам райгуырд, ахуыр кодта æмæ бæллыд футболæй стыр фæзыл хъазынмæ. Уыцы бонтæ, мидбылхудгæйæ сæ зæрдыл æрлæууын кæнынц Черчесты Станиславы ахуыргæнджытæ. Ацы уынгтæ дзурын куы зониккой, уæд раздæры хæстыты хабæрттæ ракодтаиккой. Футболон тохтæ. Йæ архайджытæ ныр дæр ма хъазты коймæ суæнгрог вæййынц. Цин кæнынц, Славичы арæх телевизорæй кæй æвдисынц, ууыл. Цыфæнды куы куса Черчесты Станислав – алцыдæр мемæй агæпп кæны. Йæ рихиты кой йын дунеты койаг сси. Иууылдæр сæ ныфсытæ семæ бæттынц. Йæхæдæг дæр афтæ. Æрыгон куы уыди, уæдæй нырмæ сæ дары. Йе `мбæлттæ куыд зæгъынц, афтæмæй Станислав рагæй хъуыдытæ кодта – дуаргæс æви хъахъхъæнæгæй хъаза. Йæ фыдимæ-иу бакуыста, йæ фæллад та уагъта фæзыл. Лæппуйæ уыди æгъдауджын. Хъуыддаг куы кодта, уæддæр йæ агуывзæйы нозты бæсты æхсыр уыдис. Ныр йæ командæ дæр ахæм у – рæстдзæвин æмæ тыхджын. Алагиры 70-æм азты æмæ ныр дæр футболæй фылдæр ницы уарзынц. Черчесты Станислав райдыдта футболон клуб «Спартак-Алагир»-æй. Уым йæхи æнтысджынæй равдыста. Стæй йæм фæдзырдтой Спартак-Дзæуджыхъæумæ. Уырдыгæй та йæ фæндаг акодта Мæскуымæ. Алагиры чемпионаты бонты æцæг бæрæгбон рауайы. Æппæт бæстæимæ финалы цыппæрæм хайы адæм сæ зæрдæтæ дарынц командæйыл æмæ Станиславæн йæхиуыл. Райсом æнæхъæн Алагир æрæмбырд уыдзæн Культурæйы галуаны. Уæрæсе æмæ Хорватийы хъазтмæ кæсдзысты иумæ – стыр экраныл. Уый размæ скувдзысты, цæмæй фæуæлахиз уæм. Афтæ куы рауайа, уæд стыр куывд сараздзысты æмæ бæрæгбонмæ æгас Ирыстоны цæрджыты æрхондзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv