5-æм майы райдыдта Советон æфсæдты кæронбæттæн егъау тох немыцаг фашисттимæ

Иугæр нæ кадджындæр бæрæгбæттæй иуы тæккæ къæсæрыл лæууæм - Уæлахизы бонæй кой кæнын, уæд æнæзæгъгæ нæй иу номдзыд цауы тыххæй. 5 майы райдыдта, Советон æфсæдтæ фæстаг бæрзæйсæттæн цæфтæ кæм ныккодтой Гитлеры æрдонгтæн, уый. Фыдыбыстæйы Стыр хæсты азфысты йæ ном баззад, куыд «Прагæйы операци», зæгъгæ. Уыдис размæбырсæн хъомыс Сырх Æфсадæн. Европæйы бæстастæу райдыдта 5 майы æмæ фæцис 12-æм майы. Архайгæ та дзы кодтой 1-аг, 2-аг, 3-аг æмæ 4-æм Украинаг фронтты æфсæддонтæ, разамынд сын лæвæрдта Советон Цæдисы маршал Иван Конев. Уыцы бонты немыцаг фашисттæй ссыгъдæг кодтой Чехословакийы сæйраг горæт Прагæ. Уæвгæ та, Чехословакийы сæраппонд карз тохтæ райдыдтой раздæр: 1944-æм азы сентыбры. Уæд Советон æфсæдтæ бахæццæ сты ацы бæстæмæ. Апрелы кæронмæ фашистты фæсырдтой æгас Словакийæ, суæгъд ын кодтой йæ сæйраг горæт Братиславæ. Фашистты æрхъулайæ ма уыцы рæстæг суæгъд сты æндæр егъау гæрæттæ дæр - Моравска-Острава æмæ Брно. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv