Уарзондзинады бон

«Дыууæ уды кæрæдзи куы уарзой, уæд а зæххыл æнцондæр у цæрын». Абон Валентины бон бирæ бæстæты уарзæттæ бæрæг кæнынц. Цæгат Ирыстоны цæрджытæ дæр æнцад нæ бадынц. Уыимæ ацы бæрæгбонмæ иу цæстæнгас æмæ хъуыды нæй – ома, иннæ бæстæты бæрæгбон парахатæй бæрæг кæнын æмбæлы, æви нæ, уый? Хистæртæ йæм кæд дызæрдыггæнгæйæ кæсынц, уæд æм фæсивæд та сæхи зæрдиагæй цæттæ кæнынц: æлхæнынц дидинджытæ, къа феттæ, æмæ «валентинкæ»-тæ. «Бæрæгбоны размæ нæм цæуынц фылдæр адæм. Кæсынц, æвзарынц цавæр дидинджытæ балхæной. Чидæртæ рагацау æрбаласын кæнынц зæрдæмæдзæ лæвæрттæ. Абон нæм тынг бирæ адæм ис. Сæ фылдæр нæлгоймæгтæ. Фылдæр фæрсынц стыр сырх уардитæ. Уый æнæкъуылымпыйæ. Фæлæ æндæр диднджытæ дæр æлхæнынц», – загъта дидинджыты дуканийы хицау Гæззаты Жаннæ. Дзæуджыхъæуы Къæйттæ регистрацигæнæн службæйы та кæрæдзиуарзаг фæсивæд сæ цард сбæтдзысты. Уарзондзинады æнкъарæнтæ закъонмæ гæсгæ фыст гæххæтыл бирæтæм фидардæр кæсынц. Кæд æмæ хуымæтæг бон 10 къайæ фылдæр не рбацæуынц, уæд абон 20-æй фылдæр сты. Се хсæн куыд æрыгæттæ, афтæ ацæргæ адæм. Сæ фылдæр куыд зæгъынц, афтæмæй ацы бон дзæгъæлы нæ равзæрстой. Афтæ сæм кæсы, цыма 14 февралы бæрæгбон амондджын царды нысан у. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv