Республикæйы æвзарынц торт «Дзæуджыхъæу»-ы хуыздæр рецепт
Рецептыл кусы æгас къорд. Ам алкæй хъуыды дæр ахсджиаг у, зæгъы кондитер Валентина Ожередова. Фæнысан кæнынц æрбацæуджытæ, зонгæтæ æмæ хæлæрттæ фылдæр цы уарзынц, уый, фæлæ æнцой кæнынц классикон десерттыл. Сæ размæ сæвæрдтой хæс – алы адæймаджы зæрдæмæ дæр цы торт фæцæудзæн, ахæм скæнын. Æгæр адджын куыд нæ рауайа, фæлæ йæ ад – æнцонæй бахъуыды кæнгæ, куыд уа. Торт «Дзæуджыхъæу» хъуамæ суа нæ регионы символтæй иу. Рецепт æмæ дизайныл куыст нæма фесты. Фæлæ йын бындур ис. Æвзæрстыты архайын алкæй бон дæр у. Фæлтæрддзинад æмæ квалификациимæ нæ кæсынц. Сæйрагдæр – адджинæгтæ кæнын зонын æмæ уарзын. Конкурсæн ис 3 къæпхæны: фыццаг – фæсаууонмæ. Уый ныридæгæн фæци. 15 январы онг архайджытæ кодтой торттæ, сæ архайдæн истой видео. Иннæ къæпхæн ацæудзæн комкоммæ хуызы. Бахаудзысты йæм, æвзæрстытæ чи ацæуа, уыдон. 22 январы сæ торттæ рахæсдзысты профессионалон жюрийы размæ. Финалмæ рацæудзысты æртæйæ. Уæлахиздзауы равзардзысты республикæйы цæрджытæ. Курдиат ныууадзын хъæуы сæрмагонд сайты. Конкурс снысан кодтой Дзæуджыхъæуы 240 азы бæрæгбонмæ. Администраци йæ разы сæвæрдта цалдæр хæсы: кондитерты курдиæттæ раргом кæнын, цæрджыты иумæйаг сфæлдыстадмæ сразæнгард кæнын, сæйрагдæр та – æрхъуыды кæнын адæмæн уарзон æмæ зонгæ продукт. Уæлахиздзаумæ æнхъæлмæ кæсы приз – 240 мин сомы. Горæты администрации цæрджытæн фæнд кæны æцæг бæрæгбон балæвар кæнын. Хъуамæ рауайа хъæлдзæг æмæ егъау.
Рецептыл кусы æгас къорд. Ам алкæй хъуыды дæр ахсджиаг у, зæгъы кондитер Валентина Ожередова. Фæнысан кæнынц æрбацæуджытæ, зонгæтæ æмæ хæлæрттæ фылдæр цы уарзынц, уый, фæлæ æнцой кæнынц классикон десерттыл. Сæ размæ сæвæрдтой хæс – алы адæймаджы зæрдæмæ дæр цы торт фæцæудзæн, ахæм скæнын. Æгæр адджын куыд нæ рауайа, фæлæ йæ ад – æнцонæй бахъуыды кæнгæ, куыд уа. Торт «Дзæуджыхъæу» хъуамæ суа нæ регионы символтæй иу. Рецепт æмæ дизайныл куыст нæма фесты. Фæлæ йын бындур ис. Æвзæрстыты архайын алкæй бон дæр у. Фæлтæрддзинад æмæ квалификациимæ нæ кæсынц. Сæйрагдæр – адджинæгтæ кæнын зонын æмæ уарзын. Конкурсæн ис 3 къæпхæны: фыццаг – фæсаууонмæ. Уый ныридæгæн фæци. 15 январы онг архайджытæ кодтой торттæ, сæ архайдæн истой видео. Иннæ къæпхæн ацæудзæн комкоммæ хуызы. Бахаудзысты йæм, æвзæрстытæ чи ацæуа, уыдон. 22 январы сæ торттæ рахæсдзысты профессионалон жюрийы размæ. Финалмæ рацæудзысты æртæйæ. Уæлахиздзауы равзардзысты республикæйы цæрджытæ. Курдиат ныууадзын хъæуы сæрмагонд сайты. Конкурс снысан кодтой Дзæуджыхъæуы 240 азы бæрæгбонмæ. Администраци йæ разы сæвæрдта цалдæр хæсы: кондитерты курдиæттæ раргом кæнын, цæрджыты иумæйаг сфæлдыстадмæ сразæнгард кæнын, сæйрагдæр та – æрхъуыды кæнын адæмæн уарзон æмæ зонгæ продукт. Уæлахиздзаумæ æнхъæлмæ кæсы приз – 240 мин сомы. Горæты администрации цæрджытæн фæнд кæны æцæг бæрæгбон балæвар кæнын. Хъуамæ рауайа хъæлдзæг æмæ егъау.