Тускъаты Таймураз абон федта социалон объектты арæзтадон куыстытæ куд цæуынц,уый

Тускъаты Таймураз абон федта социалон объектты арæзтадон куыстытæ куд цæуынц,уый. Бабæрæг кодта культурæйы галуантæ, скъолатæ, рæвдауæндæттæ, медицинон æмæ спортивон бæстыхæйттæ. 2025-æм азмæ Цæгат Ирыстоны рацараздзысты 50 ног социалон объекты. Нæ республикæйы хицауады сæрдаримæ районтæм абалц кодта не сфæлдыстадон къорд дæр. Национ музей фарон байгом ис. Кæдæй уæдæй. Фæлæ музейы 4 хайæ кусы æрмæстдæр 1. Цæмæй иннæтæ дæр байгом уой, ууыл ныртæккæ куыст цæуы. Равдыстыты зал æмæ экспонаттæ кæм дарынц, уый сцалцæг кæнынмæ радих кодтой 115 млн сомы. Хъуамæ куыстытæ иууылдæр фæуой 2019 азы кæронмæ. Тускъаты Таймураз цы федта, уымæй бынтон разыйæ нæ баззад. Дзæуджыхъæуы 27-æм скъола сарæзтой 80 азы размæ. Фæлæ ахуырæгæнæндоны домæнтæн дзупп нæ лæвæрдта. Фарон, августы уый дæр цалцæг кæныны райдыдтой. Тарниз дзæбæхгæнæн диспансер дæр байгом кæндзысты ацы аз. Уыдзæн дзы 276 бынаты. Ныртæккæ кæронмæ æрхæццæ кæнынц арæзтадон куыстытæ. Бæстыхайы сæр аразынц. Цæттæ сты доныхæтæлтæ æмæ сыгъдæгкæныны амаддзæгтæ. Сывæллæтты рæвдауæндонмæ рады лæууынц 2 мин сабийæ фылдæр. Уыцы хабар бирæты тыхсын кæны. Фæлæ уымæн дæр хос ис - ног рæвдауæндæттæ саразын. Советскæйы Хъæуы, Алагиры æмæ Беслæны ныридæгæн цæттæ кæнынц 4 рæвдауæндоны. Уый та 500 ног бынаты сты. Аразынц сæ федералон программæмæ гæсгæ. 2018 азы кæронмæ Цæгат Ирыстоны фæзындзæн 50 ног объекты сæрмагонд федералон программæтæм гæсгæ. Се рдæг ныридæгæн аразт цæуынц. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv