Цæгат Ирыстоны завод «Заря Осетии» æнтыстджынæй рæзы

«Джимара», «Æрыдон», «Алагир», «Гæлиат» æмæ «Ногкау». Ахæм нæмттæ ног куыстуаты дæттынц рухсимæ баст кусæнгæрзтæн. Байгом республикæйы афæдз размæ. Тольятийæ ссæуæг инвестор йæ куыст кæны «Бином»-ы заводы. Ног цехы фæзуат 500 квадратон метрæй апарахат уыдзæн 3 мин квадратон метры онг. Республикæйы промышленность æмæ транспорты министр Хайдарбек Бутовы ныхæстæм гæсгæ ныртæккæ завод «Заря Осетии»-йы цæуынц цалцæггæнæн куыстытæ, уый фæстæ йæ сифтонг кæндзысты хъæугæ кусæнгарзæй. Кусджыты нымæц 50-йæ схидзæн 350 -йы онг. Цырæгъты куыстуат фарон ауæй кодтой кусæнгарзтæ 40 милуан сомæн. Продукцийæ сæйрагдæр пайда кæнынц Цæгат Ирыстоны æмæ Цæгат Кавказы регионты. Ууыл æнцайынмæ нæ хъавынц. Фидæны товартæ ласын райдайдзысты иннæ регионтæм дæр. Хаидарбек Бутов, РЦИ-Аланийы промышленность æмæ транспорты министр: «Февралы фæнд кæнæм «электрощитовой» зæгъгæ, цы кусæнгарз хонынц, уый аразын. Цех хуындзæн «Заря электрощит». Инвестициты нымæц æдæппæтæй у 60 милуан сомы. Фыццаг къæпхæны дзы кусдзæн 20 адæймаджы. Уый фæстæ фылдæр. Ис ма нæм æртыккаг проект дæр. Уый дæр тагъд баххæст кæндзыстæм. ПожарАрсенал зæгъгæ цех араздзæн зынгсирвæзты ныхмæ сæрмагонд инвентарь. Æртæ куыстуаты дæр документтæм гæсгæ уыдзысты республикæ Цæгат Иыстон-Аланийы бæрны. Куыстмæ исгæйæ фылдæр æргом здахдзыстæм Электроцинкы раздæры кусджытæм». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv