Сфæлдыстадон изæр

Æмдзæвгæты рæнхъытæй райгуырæн бæстæмæ уарзондзинад равдисыны нысанимæ Дзæуджыхъæуы уыдис поэзийы изæр. Йæ саразджытæ бацархайдтой кæстæртæм фыдыбæстæмæ уарзондзинад гуырын кæныныл. Сфæлдыстадон изæр арæзт æрцыд «хъахъхъæнынады мæйоны» фæлгæты. Радзырдтой дзы хæсты рæстæджы фыст æмдзæвгæтæ, хæстон æмæ æрыгон поэтты уацмыстæ. Æмæ кæд алы кары поэттæ сты, уæддæр сæ иу кæны Фыдæбæстæмæ хъæрмуд ахаст. Æмдзæвгæтæ фыссыны фыццаг къахдзæфтæ чи кæны, уыдонæн сæ курдиат раргом кæнынæн сфæлдыстадон фембæлд тынг хорз фæлварæн уыд. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv