УФ-йы уæлдæр ахуыргæнæндæтты бюджетон бынæттæ нæ фæкъаддæр уыдзысты

Уæрæсейаг уæлдæр ахуыргæнæндæтты бюджетон бынæттæ нæ фæкъаддæр уыдзысты. Уый тыххæй фехъусын кодта Паддзахадон Думæйы ахуырад æмæ наукæйы комитеты сæргълæууæг Вячеслав Никонов. Куыд бамбарын кодта, афтæмæй демографи ивы – фæфылдæр скъолаты рауагъдонты нымæц. Уымæ гæсгæ, бюджетон бынæттæ дæр кæндзысты фылдæр. Уый тыххæй, депутаты хъуыдымæ гæсгæ, хъæуы ахуырады тыххæй закъон аивын. 17 азæй 30 азы онг кæуыл цæуы, ахæм 10 мин æрыгон адæймаджы ныхмæ хъуамæ уа 800 бюджетон бынаты уæлдæр ахуыргæнæндæтты. Вячеслав Никонов ма куыд загъта, афтæмæй нæ бæстæйы хъæуы фылдæр ахуыргонд адæм. Уæ зæрдыл уын æрлæууын кæндзыстæм, раздæр газет «Известия» хъусын кодта, 2024-æм азмæ уæлдæр ахуыргæнæндæтты бюджетон бынæттæ кæй фæкъаддæр уыдзысты 17%. Уацхъуыдмæ гæсгæ, дам, бюджетон бынатмæ бахауыны фадæттæ уæдмæ фæкъаддæр уыдзысты иу/цыппæрæм хайы бæрц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv