«Труба»-йы фæстиуджытæ

Республикæйы экологон уавæр иууыл хæрзтæй нæма у. Адæмæй бирæтæ ацы хъуыддагыл дызæрдыг нæ кæнынц. Экологийы домæнты тыххæй ист æрцыд документалон киноныв «Труба» дæр. Равдыстой дзы завод «Электроцинк». Дзæуджыхъæуы ацыд ацы сфæлдыстадон куысты презентаци. Кино систа режиссер, æппæдунеон премиты лауреат, киноныв «Ласточки прилетели»-йы автор Галазты Аслан. Йæ ныхæстæм гæсгæ, куыстой йыл 3 мæйы.  Эксперттæ, ахуыргæнджытæ, журналисттæ æмæ, ацы фарстайыл чи тыхсы, уыцы адæм сæ хъуыдытæ загътой заводы архайды тыххæй. Сæ ныхæстæм гæсгæ, нæ республикæйы экологон уавæр тæссаг у. Кинонывыл кусæг къорды уæнгтæ куыд фæбæрæг кодтой, афтæмæй рынчын сывæллæтты æмæ сæ ныййарджыты тыххæй кинонывы барæй нæ дзурынц. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv