Цӕгат Иристоны скъолатӕ райстой 27 ног автобусы

Скъоладзауты балцытӕ суыдзысты ӕнцонвадатдӕр ӕмӕ ӕдасдӕр. Абон ног автобусты дӕгъӕлтӕ радтой республикӕйы 27 скъолайы директорӕн. Уый фӕдыл сын раарфӕ кодта регионы ахуырад ӕмӕ наукӕйы министры хӕстӕ ӕххӕстгӕнӕг Андрей Швецов. Транспорт байуӕрстой Дзӕуджыхъӕуы, стӕй Рахизфарсы, Алагиры, Ӕрыдоны, Ӕрӕфы, Кировы, Мӕздӕджы ӕмӕ Горӕтгӕрон районты ахуыргæнæндæттыл. Ӕппӕт хӕдтулгӕтӕ дӕр бынтон ӕдас сты сывӕллӕтты ласынӕн. Ныр скъоладзаутӕн сӕ бон уыдзӕн удӕнцойӕ цӕуын олимпиадӕтӕм, спортивон ерыстӕм ӕмӕ экскурситӕм.