Тагъд æххуысы къаретæн фæндаг чи нæ радта, уый æфхæрдзысты уголовон æгъдауæй

Уæрæсейы паддзахадон думæ æртыккаг æркасты сфидар кодта тагъд æххуысы медицинон къаретæн фæндаг чи нæ радты, уый карздæр æфхæрыны тыххæй закъонмæ ивддзинæдтæ. Бæрæг æй кæндзысты, медицинон æххуыс кæй хъæуы, уый цы хъыгдард баййæфта, ахæм фæткхалæн митæй, уый хынцгæйæ. Закъонмæ гæсгæ, тагъд æххуысы хæдтулгæйæн фæндаг куы нæ радтай, уæд азымджыны ивар кæндзысты 3 минæй- 5 мин сомы онг. Афтæ фыст ис сæрмагонд гæххæтты. Апарахат æй кодтой Паддзахадон Думæйы официалон сайты. Уыимæ ма закъонхалæгæн, гæнæн ис æмæ байсой, хæдтулгæйыл ын цæуыны бар чи дæтты, ахæм æвдисæндар. Уый 3 мæйæ - 1 азы æмгъуыдмæ. Медицинон куыджыты архайд чи къуылымпы кæна, уый ивар кæндзысты 4 минæй - 5 мин сомы онг. Кæд дзы уголовон æгъдауæй ници фиппаинаг уа, уæд. Фæлæ кæд, рынчынæн йе`нæниздзинад бахъыгдæрдтой, уæд æвзиды Уголовон хъуыддаг. Закъонхалæг 2 азмæ, гæнæн ис, æмæ ахæстоны сбада. Кæд, рынчын йæ аххосæй фæмард, уæд та йæ 4 азы сбадын кæндзысты ахæстоны. Зæгъын хъæуы, уый æмæ ахæм закъоны проектыл кусын райдыдтой, цалдæр æнæнхъæлæджы цауы куы æрцыд æмæ адæймæгтæ сæ цардæй куы ахицæн сты, уæд. Паддзахадон Думæйы спикер Вячеслав Володин куыд фæбæрæг кодта, афтæмæй закъоны проектмæ дыккаг хат куы кастысты, уæд йæ фарс иууылдæр рахæцыдысты. Схъæлæс ыл кодтой медицинон кусджытæ æмæ эксперттæ дæр. Бафтаудзыстæм ма уый æмæ ныртæккæ ахæм цауты ныхмæ ивары бæрц у æрмæстдæр 500 сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv