Уæрæсейы абон бæрæг кæнынц зенитон ракетон гæрзифтонг тыхты бон

Нæ бæстæйы ракетон комплекстæ æмæ æфсæддонты арæхстдзинад хъуыстгонд у æгас дунейы. Зенитон-ракетон æфсады истори райдыдта 8-æм июлы, 1960-æм азы. Советон Цæдисы фæзынд ног хуызы æфсад. Равзæрд зенитон артиллерийы райрæзтимæ. Конструктортæ аразын райдыдтой уæлдæфон æдасдзинадимæ баст ног системæтæ. Абон зенитон-ракетон комплекстæ С-200, С-300, С-400, «Панцирь», «Игла», «Стрела», «Бук», «Тор», «Тунгуска» зонынц æгас дунейы. Алы комплексæн дæр ис йæхи миниуджытæ. Ракетæтæн та сæ бон у алыхуызон дæрддзæгмæ `хсын. Сæрмагондæй сæ спайда кæнынц чысыл мысантæ акъуырынæн, знаджы артиллерион гæрзтæ æмæ разамынды объекттæ халынæн, стæй авиацийы ныхмæ. Зенитон-ракетон хуызы æфсад у Уæрæсейы Федерацийы уæлдæфон-космосон тыхты хæйттæй иу. Сæ бон у æххæст кæнын алыхуызон æфсæддон хæслæвæрдтæ. Абон зенитон-ракетон дæлхайæдты кадджын уавæры ацыдысты бæрæгбоны мадзæлттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv