Зынфæразæн тæвдтæ

Цæгат Ирыстоны температурæ та хæрдмæ ныццавта. Быдыры районты уæлдæф цыма фыцгæ ракæндзæн, афтæ уыдзæн – 38 градусы онг. Уый тыххæй хъусын кæны Цæгат Ирыстоны Æнæнхъæлæджы уавæрты министрад. Абон нæ республикæйы сæйраг горæты уæлдæфы температурæ схызт 34 градусмæ. Хуры комкоммæ тынтæм та уæвгæ дæр асфальтыл хъайла акæнæн ис. Уымæ гæсгæ ирвæзынгæнджытæ сидынц адæммæ, цæмæй хурмæ бирæ ма лæууой. Æддæмæ цæуой æрмæстдæр райсомы 10 сахаты агъоммæ æмæ изæры 4 сахаты фæстæ. Уыимæ лæууын хъæуы аууоны, сæр дæр хъуамæ истæмæй æмбæрзт уа. Туджы æлхъывдад арæх хæрдмæ кæмæн схизы, уыдонмæ та дохтыртæ сидынц, цæмæй æддæмæ уæвгæ дæр ма цæуой. Хъæуы фылдæр дон нуазын, стæй сойджын хæринаг дæр хæрæн нæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv