Дзæуджыхъæуы уыд документалон киноныв «Къостайы фæдыл»-ы презентаци

Дзæуджыхъæуы уыд презентаци документалон киноныв «Къостайы фæдыл»-æн . Кино у ирон адæмы историйы трагикон æмæ героикон цауты тыххæй. Рагæй дæр нæ фыдæлтæ-алантæ нымад уыдысты æхсарджын æмæ бæрзонд культурæйыл хæст адæмыл. Уыдис сын сæхи паддзахад дæр. Сæ фæдонтæ апырх сты дунейы алы къуымты. Æмбал кæмæн нæй, уыцы культурæ бирæтæ абон дæр хæссынц. Кинонывыл бакуыста телекинокомпани «Ир». Йæ сисыны хъæппæрис та разынд Цæгат Ирыстоны национ ахастдзинæдты министрадмæ.Равдысты уазджытæ систы æхсæнад «Лабæ»-йы минæвæрттæ. Уыдон презентацимæ æнхъæлмæ кастысты уæлдай æхсызгонæй. Киноныв дзуры, ирæттæ Хъæрæсе-Черкесы куыд балæууыдысты æмæ уым куыд æрцардысты, уый тыххæй. Уыимæ, ныртæккæ куыд цæрынц уый дæр. Цæгат Ирыстоны национ ахастдзинæдты министрады номæй Цуциты Аслан кады гæххæттæй схорзæх кодта компани «Ир». Зæрдæ дары дарддæр дæр æмгуыст кæй кæндзысты, ууыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv