Паддзахадон автоинспекцийы кусджытæ сарæзтой «Расыг шофыр», зæгъгæ акци

Аххæсдзæн 21-æм июнæй 30-æм июнмæ. Йæ нысан у - нозтджын шофырты аххосæй цы фæндаггон фыдбылызтæ æрцæуынц, уыдоны нымæц фæкъаддæр кæнын. Шофырты зæрдыл лæууын кæнынц, машинæ нозтджытæй тæрын нымад у административон барадхæлдыл. Раздæр ма куыд хъусын кодтам, афтæмæй Уæрæсейы президент Владимир Путин бафыста ног закъон. Ныр транспортон фыдбылызы рæстæг нозтджын шофырты фылдæр æфхæрдзысты. Кæд транспортон фыдбылызы рæстæг адæймаджы æнæниздзинад хъыгдард баййæфта, уæд аххосджын фæбаддзæн ахæстоны 7 азы. Ныридæгæн уал ахæм хъуыддажы фæдыл адæймаджы æрцахсынц 4 азмæ. Кæд æмæ транспортон фыдбылызы рæстæг исчи фæмард, уæд закъонмæ гæсгæ адæймаг ахæстоны фæбаддзæн 12 азы. Ныридæгæн ахæм закъонхалды тыххæй адæймаг бадт 7 азы онг. Кæд фæмард дыууæ, кæнæ фылдæр адæм, уæд аххосджыны сбадын кæндзысты ахæстоны 15 азы онг, 9 азы бæсты. Уымæй уæлдай ма закъон хауы транспортон фыдбылызтæм, кæдон æрцæуынц æфсæнвæндæгты, уæлдæфон транспорты, денджызон транспорты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv