Æнæнхъæлæджы уавæрты министрады хуыздæртæ

Æнæнхъæлæджы уавæрты министрады хатдзæгтæ скодтой ивгъуыд азы куыстæн. Хуыздæр кусджытæн та абон кад кодтой Уырыссаг драмон театры. Схорзæхджын сæ кодтой алыхуызон хæрзиуджытæй. Афæдзмæ цы бантыст бакæнын æмæ фылдæр æргом аздахын цæмæ хъæуы, ууыл цыд ныхас кадджын æмбырды. Министрады разамонджытæ сбæлвырд кодтой Ног азы куысты пълан. Йæ сæйрагдæр у кусджыты фæлтæрддзинад æмæ зонындзинæдтæ фæфылдæр кæнын. Фидæны ма нæ республикæйы æппæт районты кусын райдайдзæн ирвæзынгæнæн иугонд номыр 112. Йæ фæрцы алкæй бон дæр уыдзæн æппæт æнæнхъæлæджы уавæры хайæдтæм æрбадзурын. Республикæйы хицауад раарфæ кодта министрады кусджытæн сæ зæрдæргъæвд архайды фæдыл, сæ куыст бæстон æмæ афойнадыл кæй кæнынц, уый тыххæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv