Алайнаг фæд

Ирыстоны æмæ Уæрæсейы алы регионты фæсивæды, суанг ма фæсарæнтæй дæр сæмбырд кодта этнолагерь «Алайнаг фæд». Æппæтадæмон змæлд йæ куыст райдыдта Цæгат Ирыстоны. Форумы фыццаг хайы архайдзысты уазджытæ Турцийæ, Казахстанæй, Гуырдзыстонæй, Свердловскы æмæ Пермский облæсты минæвæрттæ. Форум дыккаг хаймæ æнхъæлмæ кæсынц Таджикистаны, Францийы æмæ Германийы цæрæг ирæттæ. Политиктæ, журналисттæ æмæ Цæгат Ирыстоны æхсæнадон кусджыты руаджы форумы архайджытæн уыдзæн ирон æгъдæуттæ, культурæ æмæ истори хуыздæр базоныны фадат. Уыимæ фембæлын æмæ аныхас кæнын республикæйы куырыхон хистæртимæ, музейтæ фенын. Культурон нысаниуæг кæмæн ис ахæм бæстыхæйттæм бакæсын. Форумы архаджыты ахуыр кæндзысты национ кæфтытыл, ирон уæливыхтæ кæныныл. Уæ зæрдыл уын æрлæууын кæндзыстæм мадзал сарæзтой республикæйы нациты ‘хсæн ахастдзинæдты министрады хъæппæрисæй. Проект «Аланты фæд» арæзт æрцыд цыппæрæм хатт. Афæдзæй-афæдзмæ этнолагерь кæны цымыдисагдæр, йæ архайджыты географи та парахатдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv