Парти «Иугонд Уæрæсе»-йы бархионты центр байгом Дзæуджыхъæуы

Парти «Иугонд Уæрæсе»-йы бархионты центр байгом Дзæуджыхъæуы. Йæ сæйраг нысан – коронавирусæй тæссаг рæстæг республикæйы цæрджытæн хъæугæ æххуыс бакæнын. Бархионты центр байгом партийы æхсæнадон исæнуаты бындурыл. Баххуыс кæнынмæ цæттæ сты партийы активисттæ, «Иугонд Уæрæсейы æрыгон гварди» æмæ «Уæлахизы бархионтæ». Æдæппæтæй 300 адæймагæй фылдæр. Бархионтæ цæттæ сты республикæйы цæрджытæн æххуыс кæнынмæ æмæ хæдзармæ продукттæ, хостæ æмæ цардæн ахсджиаг товартæ фæхæццæ кæнынмæ. Ахæм æххуысы руаджы карджын адæм хæдзарæй уынгмæ цæуын нал хъæудзæн. Афтæмæй сын ифекци æрцахсынæй дæр тас нæу. Алы адæймагæн дæр йæ бон æххуысагур фæсидын «Иугонд Уæрæсе»-йы бархионты центрмæ. Уый тыххæй хъæуы æвæстиаты бастдзинады номырмæ бадзурын - 8-918-823-07-08 кæнæ 93-07-08. Бархионтæ сæхæдæг дæр дзурдзысты телефонæй, низæй тæссаг кæмæн у, уыцы адæммæ. Се `хсæн карджын адæм, пенсионертæ, Фыдыбæстæйы Стыр Хæсты ветерантæ æмæ йе `нæниздзинад хъыгдæрд кæмæн у, уыдон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv