Электрон тыхы фæрæзтæй асламдæр пайда кæныны рейтингы Цæгат Ирыстон бацахста 76 æм бынат

Электрон тыхы фæрæзтæй асламдæр пайда кæныны рейтингы Цæгат Ирыстон бацахста 76-æм бынат. Уый тыххæй хъусын кæны «РИА Новости». Рæстæмбис мызды æфтиæгтæй æппæты фылдæр электрон тыхæй спайда кæнын сæ бон у Иркутскы облæст, Ямало-Ненецаг æмæ Ханты-Мансийскы хибар округты цæрджытæн. Иртæстыты бæрæггæнæнтæм гæсгæ та æппæты зынаргъдæр электрон тыхæй пайда кæнынц Хъалмыхъы республикæйы цæрджытæ. Афтæмæй рейтингы фыццаг бынат бацахстой 1. Иркутскы облæст, йæ фæстæ Ямало-Ненецаг æмæ Ханты-Мансиаг хибар округтæ, Мурманскы облæст, Сахалин, Красноярскы край, Хакасийы республикæ æмæ афтæ дарддæр. Цæгат Ирыстон уыцы хыгъды ис 76-æм бынаты, йæ фæстæ Костромайы облæст, Алтайы æмæ Стъараполы край, Хъæрæсе-Черкессийы республикæ æмæ Псковы облæст. Уæрæсейы экономикæйы министрад, электрон тыхы фиддонтæн иу фæтк саразыны хъæппæрис бæргæ бахаста, фæлæ уыцы фæндомæ æхсæнад дæр æмæ хицауад дæр сæ хъус не ‘рдардтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv