Уавæр куыд у?

Адæм хъаст кæнынц Дзæуджыхъæуы эндокринологон диспансеры куыстæй. Цæгат Ирыстоны æппæтуæрæсеон адæмон фронты уæнгтæ дзæбæхгæнæндоны сарæзтой басгæрст. Сбæлвырд кодтой медицинон лæггæдты хæрзхъæддзинад. Базыдтой ма хостæ дзы фаг ис æви сæ цæгæйдæр рынчынтæ сæхи хардзæй æлхæнынц, уый. Цы федтой æмæ цавæр хатдзæгтæ скодтой уый нæ дарддæры æрмæджы. Диспансеры уавæртæ сты æмбæлгæ, медицинон лæггæдтæм æмæ хостæй куыд ифтонг сты, уымæ дæр зæрдæ не `хсайы. Æппæтуæрæсеон адæмон фронты уæнгтæ абон уыдысты республикон эндокринологон диспансеры. Дзæбæхгæнæндон бабæрæг кодтой «Народная оценка качества»-йы проекты фæлгæты. Аныхас кодтой стационары рынчынтимæ, уымæй уæлдай ма поликлиникæмæ чи æрбацыд уыдонимæ дæр. Лæггæдтæй разыйæ нæ баззад æрмæстдæр иу адæймаг. Æппæтуæрæсеон адæмон фронты уæнгтæ фарста аиуварс кодтой бынаты. Куыд рабæрæг афтæмæй рынчынæн йæ дадзинты æлхъывдад бæрзонд у. Дохтыр ын рафыста хъæугæ хостæ.Рынчынмæ дарддæр сæ хъус дардзысты. Иннæ рынчынтæ уавæртæй хъаст нæ кæнынц. Дохтырты куыст сæ зæрдæмæ цæуы. Куыд зæгъынц, афтæмæй рынчынтæм ракæсынц хорз цæстæй, уыимæ ма сты фæлтæрджын. Рынчынтæм ис цалдæр фарстайы, абон сæ ныффыстой анкетæйы хуызы. Се `хсæн уавæртæй разы сты æви нæ, уый, дохтырмæ æнхъæлмæ бирæ фæкæсынц, æви нæ, уымæй уæлдай ма лæггæдты хæрзæхъæддзинады фарстатæ. Цы дзуаппытæ сын райстой, уымæ гæсгæ æппæт хъæугæ информаци ссарæн ис интернеты, уымæй уæлдай ис комкоммæ бастдзинады номыр. Центры кусы сæкæрнизы скъола дæр. Уæдæ хæринагмæ дæр рынчынтæ фау нæ хæссынц. Æппæтуæрæсеон адæмон фронты уæнгтæ рабæрæг кодтой рынчынтæ стационары дыууæ къуырийæ фылдæр сæхи кæй нæ фæдзæбæх кæнынц, уый. Консультацимæ бахауын у æнцон - æрмæстдæр хъæуы телефонæй æрбадзурын. Хостæй ам дæр цух не `ййафынц. Боныгон диспансеры сæхи чи фæдзæбæх кæны, уыдон сты 20 адæймаджы. Стационары дзы чи вæййы уыдонæн та дзы бынат ис 60 адæймагæн. Раздæр дзы уыд 10 хуыссæны фылдæр, фæлæ æнæ уыдонæй дæр бынат фаг кæны. Диспансеры сæйраг дохтыры ныхæстæм гæсгæ сæкæрнизæй рынчынты нымæц рæзы. Фидараты Мæринæ зæрдæ бавæрдта; рынчынæн баххуыс кæнынæн центры ис æппæт хъæугæ кусæнгарзтæ. Адæмы хъæстытæм дæр æркæсынц. Æппæтуæрæсеон адæмон фронты уæнгтæ сæ балцæй разыйæ баззадысты. Цы аиппытæ рабæрæг кодтой уыдоныл та бæстонæй бакусдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv