Хицауады æмбырд

2019-æм азы 1-æм январæй фæстæмæ æртыккаг сывæллон кæмæн райгуырд, уыцы бинонтæн фиддонтæ фæфылдæр уыдзысты. Суыдзæн 9 мины æмæ 900 сомы. Уый тыххæй абон хицауады æмбырды фехъусын кодта фæллой æмæ социалон рæзты министр Хъесаты Игорь. Ныртæккæ уал, ахæм бинонтæн фидынц 9 мины æмæ 730 сомы. Уæ зæрдыл уын æрлæууын кæндзыстæм, сывæллæттæн субсидитæ фидынц æрмæстдæр сыл 3 азы куы сæххæст уа, уæд. Игорь Хъесаты: «Куыд æнхъæлæм, афтæмæй 2020 азы фиддонты бæрц ноджы фылдæр уыдзæн. 1200 сомы сыл бафтдзæн. Цæмæй уыцы æххуыс ныййарджытæ райсой, уый тыххæй сæ социалон хахъхъæнынады разамындмæ хъæуы курдиат бахæссын. Уым бæлвырддæрæй бацамондзысты цавæр гæххæттытæ сæмбырд кæнын хъæуы, уый». Хицауады æмбырды иннæ фарста - медицинон уагдæттæн хостæ æлхæнын. Нырæй фæстæмæ уыцы хæс æххæст кæндзæн æрмæстдæр иу организаци. Уыимæ ма, хостæ дардзæн йæхи скълады, æппæт хæрдзтæ дæр йæхимæ исы. Рынчындоны хос куы бахъæуа, уæд сын æй организаци дæтдзæн. Æнæниздзинад хъахъхъæнынады министрады куыд зæгъынц, афтæмæй, уый иумæйаг куыстыл хуыздæрырдæм ахаддзæн. Татьяна Цидаева: «Афтæмæй бантысдзæн уыцы куыст асламдæрæй кæнын. Къаддæр æхца хардзгонд цæудзæн æнæмæнг медицинон фæдзæхстадæй. Уый фæдыл аразæм сæрмагонд аукционтæ. Фæлæ хостæ ласыны куыст иу организаци кæй кæндзæн, уый хорз. Чи уыдзæн, уый та сбæрæг кæндзыстæм парлменты сæрмагонд закъон куы сфидар кæной, уæд». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv