Фидæны минæвæрттæ

Дзæуджыхъæуы уыд æппæтдунеон зонадон конфереци «Россия и Осетия- Алания в истории дипломатии и международных отношений», зæгъгæ. Мадзал сбастой минæварады кусæджы æмæ Уæрæсейы наукæйы бонимæ. Цæгат Ирыстоны паддзахадон университеты ЮНЕСКО-йы залы æрæмбырд сты юридикон, экономикæ æмæ разамынды, стæй ма æппæтадæмон ахастдзинæдты факультетты студентттæ. Æмбырды архайджытæн арфæйы ныхæстæ ракодтой нæ республикæйы хицауады сæрдар Тускъаты Таймураз, парламенты сæрдар Алексей Мачнев, ЦИПУ-йы ректор Огъуаты Алан æмæ Дзæуджыхъæуы Фæсарæйнаг хъуыддæгты министрады минæвар Хетæгкаты Алан. Конференцийы ныхас кодтой æппæтдунеон æмæ экономикон бастдзинæдты фарстатыл, нырыккон регионалон ахастдзинæдтыл, стæй ма Уæрæсе æмæ Ирыстоны 'хсæн культурон æмæ историкон ахастдзинæдты тыххæй. Хетæгкаты Алан, Дзæуджыхъæуы Уæрæсейы Фæсарæйнаг хъуыддæгты министрады территориалон оргæнты разамонæг: «Бирæ студенттæ кæй æрæмбырд сты, уый ахсджиаг у, уымæн æмæ Цæгат Ирыстоны паддзахадон университеты рауагъдонтæ, уæлдайдæр та дунейон экономикæ, фæсарæйнаг æвзæгты факультетты студенттæ фидæны Уæрæсейы минæварады кусджыты нымæц фæфылдæр кæнынц. Мах нæ ныфс дарæм, ахæм мадзæлттæй студентты хуыздæр ахуыр кæнын æмæ минæвартæ суæвынмæ кæй разæнгард кæндзыстæм». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv