Дзæгъойты Алан, гæнæн ис, æмæ та тагъд рæстæджы фæстæ футболон чемпионаты фæзтыл тæмæн скалдзæн

Дзæгъойты Алан, гæнæн ис, æмæ та тагъд рæстæджы фæстæ футболон чемпионаты фæзтыл тæмæн скалдзæн. Саудаг Аравийы матчы рæстæг нæ лæппу цы хъæдгом райста, уый йын фæдзæбæх. Уый тыххæй фехъусын кодта национ командæйы пресс-службæ. Куыд зæгъынц, афтæмæй Дзæгъойы-фырты уавæр бонæй-бонмæ хуыздæр кæны. Уæ зæрдыл уын æй æрлæууын кæндзыстæм, Алан йæ хъæдгомы фæстæ хъазт дарддæр ахæццæ кæнын кæй нал бафæрæзта. Командæйы сæйраг тренеры фæндонмæ гæсгæ йæ баивтой фыццаг таймы. Фæзмæ рацыд Денис Черышев. Дзæгъойты Аланмæ раиртæстой йæ агъды хъæдгом. Æппæт уыцы ивддзинæдтæ футболистты уæлахизыл нæ фæбæрæг сты – спорстментæ размæ рацыдысты 5-0 хыгъдимæ. Уæдæ Египетимæ хъазты дæр нæ командæ Дзæгъойты Аланы тыххæй йæ маст райста. Уазджытыл фæуæлахиз сты 3-1 хыгъдæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv