Бындурон зонындзинæдтæ

Æгас республикæйы цæрджытæ зæрдиагæй цæмæ æнхъæлмæ кастысты, уый дæр æрцыд. Дзæуджыхъæуы байгом сывæллæтты технопарк «Кванториум».  Раззагдæр технологитæй арæзт нырыккон кусæнгæрзтæ, коптертæ, роботтæ. Ис ма дзы интерактивон музей дæр. Æрыгон иртасджытæн – аразынц дæсныйад æвдисæг ахуыртæ. Зонгæ сæ кæнынц бæлвырд наукæты бындурон зонындзинæдтимæ. Сывæллæттæ лæвар ахуыр кæнынц 6 наукон къабазы: биоквантум, хай-тек лаборатори, робоквантум, промышленнон дизайн, IT-квантум æмæ аэроквантум. Технопаркы сарæзты сæйраг хæс у республикæйæн фидæны инженертæ æмæ IT-специалисттæ бацæттæ кæнын. Æрæджы бафыстой сæ фыццаг бадзырд Цæгат Ирыстоны Паддзахадон Университетимæ. Инновацион центры разамонæг Алексей Котецы ныхæстæм гæсгæ, фидæны технопаркмæ хондзысты алыхуызон наукæты докторты. Уый ахъаз уыдзæн сывæллæтты зонындзинæдтæ уæрæхдæр кæнынæн. Уымæй уæлдай ма Цæгат Ирыстоны Паддзахадон Университеты студенттæ практикæйы хуызы цæудзысты «Кванториум»-ы. Уый ма пайда уыдзæн уымæн, æмæ студенттæ сæ зонындзинæдтæ хъæугæ техникон кусæнгæрзтыл фæлвардзысты. Ахуырдзаутимæ араздзысты алыхуызон фæлтæрæнтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv