111 милуан сомы радих кæндзысты республикæйы сæнæфсир æмæ сæнуадзыны куыст кæнынæн. Субсидиты руаджы баххæст кæндзысты зæхкусджыты хæрдзты иу хай. Проекты фарс рахæцыдысты Хицауады æмбырды. Уыимæ ма республикæйы разамынды уæнгтæ æрныхас кодтой фæсчъылдымы фæллойгæнджыты, фæллойы æмæ æфсæддон цауты ветеранты санаторон-курортон дзæбæхгæнæн мадзæлттыл дæр. Уæлдай æргом аздæхтой скъолаты хъарм хæринаджы хæрзхъæддзинадмæ. Уыимæ ма ныхас цыд, Цæгат Ирыстоны цы наукон проекттæ æххæст кæнынц, уыдонæн материалон æххуыс бакæныныл.