Ног гæнæнтæ

Цæгат Кавказы хæххон-металлургон институт æмæ Ханойы хæххон-геологон университет бафыстой æмгуыстады бадзырд. Уый фæдыл Мæскуымæ æрцыд Вьетнамы коммунистон партийы центрон къамисы сæйраг секретарь Нгуен Фу Чонга. Йемæ фембæлдысты 35 уæрæсейаг уæлдæр ахуыргæнæндоны минæвæрттæ. Се хсæн нæ республикæйы минæвæрттæ дæр. Сæрмагонд бадзырдмæ гæсгæ Хæххон металлургон институты студенттæн фадат уыдзæн Вьетнамы ахуыр кæнынæн. Ахуыргæнæндоны ректор Юрий Дмитрак куыд зæгъы, афтæмæй кусынц иннæ бæстæты ахуыргæнæндæттимæ æмгустадыл дæр. Ныридæгæн уал бадзырдтæ бафыстой 35 уæрæсейаг æмæ 5 фæсарæйнаг университеттимæ. Ацы бадзырды руаджы нæ студенттæн фадат фæзынд дунейы хæххон ахуыргæнæндæттæ фенын. Сæ зонындзинæдтæ æмæ фæлтæрддзинад фæфылдæр кæнын. Стæй сæм хуыздæр чи фæкæса, дарддæр сæ ахуыр кæнын кæм бафæнда, уый равзарын. Уый у проекты сæйраг нысан. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv