Æхсæрысæры фæзындзæн культурæйы ног галуан

Æнусæй фылдæр цы культурæйы галуанмæ æнхъæлмæ кастысты, уый тагъд рæстæгджы йæ дуæрттæ байгом кæндзæн артисттæн, аивадуарзджытæн æмæ хъæуы цæрджытæн. Æхсæрысæры 2019 азы кæронмæ самайдзысты ног культурæйы галуан. Ахæм фадат Æрæфы районæн фæзынди национ проект «Культурæ»-йы фæлгæты. Нæ республикæйы культурæйы министр Къубалты Эльбрусы ныхæстæм гæсгæ, 2020-æм азы ма ахæм ног культурæйы галуантæ фæзындзæн 8. Уый тыххæй æхцайы фæрæзтæй радих кодтой 100 милуан сомæй фылдæр. Æхсæрысæры ног культурæйы гауланы уыдзæн 100 бадæн бынаты. Ныридæгæн ацы хъæуы цæры 330 адæймаджы. Туристтæ йæ хорз зонынц. Алы хатт сæ фæндаг акæнынц йæ рæзты. Куыд æй зонут афтæмæй, Дыгургомы ис национ парк «Алания», зæгъгæ. Уымæй уæлдай ма, ацы аз Заманхъулы фæзындзæн культурæйы хæдзар 300 бынаты. Самайдзысты йæ зæронд культурон объекты бынаты. Бирæ рæстæг уыд æдзæллаг уавæры. Ныр хорзы*рдæм аивдзæн. Афтæмæй, ацы азы кæронмæ цалцæггонд æрцæудзысты Фарн, Ног Урух, Нарт æмæ Мызуры культурæйы галуантæ. Æдæппæттæй, ацы аз национ проект «Культурæ»-йы фæлгæты радих кодтой 83 милуан сомы. Проект кусдзæн 2024 азмæ. Арæзт у 3 дæлхайадæй : «Культурная среда», «Творческие люди» æмæ Нымæцон культурæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv