Ахуырадон семинар

Цæгат Ирыстоны æхсæнадон палатæйы хъæппæрисæй абон арæзт æрцыд ахуырадон семинар. Æмбырды ныхасы сæр уыд, президенты грантытæ чи райста, уыдоны дарддæры куыст. Конкурсы домæнтæ æмæ бæрæггæнæнтæ фехъусын кæныны тыххæй Дзæуджыхъæумæ æрбахуыдтой Фонды директор Иннокентий Дементьевы. Уымæй уæдай ма ныхас бар уыди, æхцайы фæрæзтæ кæмæн радтой, уыцы 11 адæймагæн.  Раст хъуыдытæ кæмæ ис, уыцы фæсивæды æрбамбырд кæнын. Ахæм нысанимæ Дзæуджыхъæуы 9 азы кусы нæ республикæйы æхсæнадон организаци "Фæсивæдон бизнес-клуб". Йæ бындурæвæрæг у мызуйраг сæрæн лæппу - Дзодзыккаты Олег. Йæ 7 цæхæрцæст æмцæдисонимæ архайы Ирыстоны зæрдæмæдзæугæ туристон информацион фæрæз саразыныл. Нæ республикæйæн скæндзæн ном . Пъланмæ гæсгæ, уый организацийы æппæт кустыты хæйттæ не сты. Бизнес-клубмæ ис цалдæр проекты. Сæ иу - "Ирыстоны æхсæрдзæнтæ". Программæ æрæджы рамбылдта президенты грант - 2 миллуан сомы бæрц. Ацы хъуыддаджы сын баххуыс кодта зындгонд ахуыргонд, биологон наукæты кандидат, географ Константин Попов. Проектмæ гæсгæ, нæ республикæйы дыууын æхсæрдзæны тыххæй сараздзысты интерактивон хъусынгæнæн фæрæз. Интернеты фæрцы сæ уыдзæн фенæн, сисдзысты наукон киноныв , видеороликтæ æмæ фæндагамонæг атлас. Проекты сæйраг хæс у адæмæн нæ республикæйы æрдзон хъомысы тыххæй радзурын, æмæ æрдз хъахъхъæныны хъуыддагмæ æхсæнады хъус æрдарын кæнын. Æхсæнадон организаци ма сарæзта сæрмагонд сайт "Осетия 3Д". Уый у алывæрсыг интернет-фæрæз, базонæн дзы ис Аланийы историон æмæ культурон объектты тыххæй. Сайт конд у цымыдиссаг æмæ нырыккон технологон æрмæджытæй. Хорз аргъ ын скодтой æппæтуæрæсеон медиафестивалы. Сайт дзы хуыздæрыл нымад æрцыд æмæ райста фыццаг фынат. Дзодзыккаты Оледжы ныхæстæм гæсгæ, бирæтæ зонгæ дæр нæ кæнынц, Ирыстоны цы алæмæты рæсугъд бынæттæ ис, уый. Проекты 'руаджы та зæххы къорийыл цыфæнды ран дæр æмæ цыфæнды гаджетæй дæр спайдагæнгæйæ фенæн ис æрдзы диссæгтæ. Бакæсæн сæ уыдзæн куыд иронау, афтæ уырыссагау æмæ англисагау дæр. Дзодзыккаты лæппуйы хуызæн ма президентон грант рамбулынмæ сæ гæххæттытæ балæвæрдтой нæ республикæйы 60 æнæкоммерцион организацийы. Фæлæ дзы æхцайы фæрæзтæ чи рамбылдта, ахæмтæ сты 11. Хæххон металургон институты галуаны цын абон нæ республикæйы æхсæнадон палатæ сарæзта ахуырадон семинар. Проект куыд ныффысын хъæуы, раст æмæ йæ хуыздæр куыд равдисын хъæуы, уый тыххæй æнæкоммерцион организацитæн дзырдта президентон грантты фонды генералон директоры хæдивæг Иннокентий Дементьев. Нæ республикæйы æхсæнадон палатæйы сæргълæууæг Нина Чиплаковайы ныхæстæм гæсгæ,нæ республикæйы æнæкоммерцион организацитæ бирæ сты , царды алы къабæзты аразынц сæ куыст, æмæ цын абоны ахуырадон семинар у тынг вазыгджын. Нæ республикæйы æхсæнадон палатæйы сæргълæууæг Нина Чиплакова: "Абон æрдзырдтам конкурсы фæткы цы ногдзинæдтæ ис, ууыл, стæй проекттыл кусгæйæ æмæ сæ æвзаргæйæ арæхдæр цы рæдыдтытыл сæмбæлынц, уыдон аиуварс кæныныл. Нæ æнæкоммерцион организацитæ куыд разæнгардæй бацархайдтой, уый мын мæ зæрдæ тынг барухс кодта. Сæ курдиæттæ балæвæрдтой бирæтæ. Уый нæ республикæйæн у пайда , уымæн æмæ ахæм конкурстæ нæ фæсивæды зонадон хъомыс бæлвырд парахат кæнынц. Мах та, æхсæнадон палатæ, архайдзыстæм фылдæр ахæм мадзæлттæ аразын, цæмæй æнæкоммерцион организацитæн æххуыс кæнæм." 2017-æм азы бæрæггæнæнтæм гæсгæ грантæмбулджыты 84% срегистраци кодтой. Се *ппæт дæр кусынц Цæгат Ирыстоны. Абоны мадзæлтты фæрцы æхсæнадон палатæйы фæнды ацы бæрæггæнæнтæ фæфылдæр кæнын. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv