Иумæйаг паддзахадон фæлварæны тыххæй информаци

Ахуырад æмæ наукæйы къабазы цæстдарæн федералон службæ фæнысан кодта 2020 азы иумæйаг паддзахадон фæлварæн цы фæткмæ гæсгæ дæтдзысты, уый. Иумæйаг паддзахадон фæлварæн 2020 азы ацæудзæн æртæ къæпхæнæй : фыццаг рагагъоммæ 20-æм мартъийæ 13-æм апрелмæ. Сæрмагонд рæстæг 25-æм майæ 29-æм июньмæ æмæ уæлæмхасæн фæлтæр 7-æм æй 24-æм сентябрьмæ. Рагагъоммæйы æмгъуыд райдайдзæн иумæйаг паддзахадон фæлварæн географи, литературæ æмæ информатикæйæ. Æхсæнадзонынадæй фæлварæнæн хицæн бон нысан кæнынмæ нæ хъавынц. Ацы предметæй иумæйаг паддзахадон фæлварæн рагагъоммæ раттæн уыдзæн информатикæйы предметимæ.  Сæрмагонд рæстæджы та химиимæ. Фæлварæнты алы къæпхæнæн дæр снысан кæндзысты фæстуарцгæнæн рæстæг. Паддзахадон аттестацийы фæткмæ гæсгæ ивгъуыд азты рауагъдонтæ иумæйаг паддзахадон фæлварæн дæтдзысты рагагъоммæ æмæ уæлæмхасæн къæпхæны.  Ацы аз скъола каст чи фæуыдзæн, уыдон та фæлварæны архайдзысты сæрмагонд фæлтæры. Рауагъдонтæн фæлварæны рæстæг хицæн предметтæй иумæ кæй æррæйафа, уыдонæн иумæйаг паддзахадон фæлварæн раттыны бар уыдзæн уæлæмхасæн æмгъуыды. Ахæм фæткмæ гæсгæ ма фæлварæны архайдзысты йе нæниздзинад кæмæн фæцудыдта, уыдон дæр. Рауагъдонтæй уырыссаг æвзаг æмæ математикæйæ æвзæр бæрæггæнæтæ чи райса уыдон ацы предметтæй иумæйаг паддзахадон фæлварæны архайдзысты сетябры уæлæмхасæн къæпхæны.  _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv